بیمار پرندے کو بلی کے سامنے ڈالنا/ بیمار پرندے کو ذبح کرنا
سوال
میرے پاس چھوٹے طوطے ہیں، ان میں سے کبھی کبھار کوئی پرندہ بیمار ہو جاتا ہے اور اس کی بیماری کا علاج بھی نہیں ہوتا اور دوسرے پرندوں کے لیے بھی بیماری کا باعث بنتا ہے .کیا ایسی صورت میں اس کو بلی کے سامنے ڈالنا یا ذبح کرنا جائز ہے؟
جواب
صورتِ مسئولہ میں اگر بیمار طوطے /پرندے کا کوئی علاج نہیں تو ایسے زندہ طوطے کو بلی کے سامنے ڈالنے کی اجازت نہیں، تاہم اسے ذبح کرنا جائز ہے، ذبح کے بعد اگر انسان کے لیے مضر صحت نہ ہو تو کھا بھی سکتے ہیں، اور بلی کے سامنے بھی ڈال سکتے ہیں۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144008200456
تاریخ25-04-2019
