شادی شدہ وغیر شادی شدہ کا ویکس کرنا

مسلمان مردکے لیے دوسرے  مرد ،اورعورت کے لیے  کسی دوسری عورت کے سامنے بھی ناف سے لے کر گھٹنوں سمیت حصہ چھپانا فرض ہے، شرعی عذر کے بغیر ان اعضاء میں سے کوئی عضو کسی کے سامنے کھولنا اور  کسی اورکا (زوجین کے علاوہ)ان اعضاء کو چھونا جائز نہیں ہے۔ لہٰذا ستر والے مقام کا ویکس کسی اور سےکرانا  جائز نہیں ہے، خود کرسکتے ہیں۔ 

البتہ ستر کے علاوہ  کسی اور عضو کا ویکس دوسروں سے کروانابھی  جائز  ہے، بشرطیکہ اس سے ویکس کرائے جس کے لیے جسم کا وہ حصہ دیکھنا اور چھونا جائز ہو، نیز غیر محارم کے سامنے زینت کا اظہار مقصود نہ ہو۔ اس حکم میں شادی شدہ وغیر شادی شدہ برابرہیں۔

البتہ مردوں کے لیے ہاتھ ،پاؤں ،سینے اور پشت کے بال صاف کرناخلافِ ادب ہے ،صاف نہ کرنا  بہتر ہے۔ فقط واللہ اعلم