بیوہ عدت کے بعد نکاح کرلے تو پہلے شوہر کی میراث میں سے دوسرے شوہر کا حصہ ہوگا؟

صورتِ مسئولہ میں شوہر کے انتقال کے بعد اس کے ترکہ میں اس کی بیوہ کا تو حصہ ہوگا، اگر چہ وہ عدت گزرنے کے بعد دوسری جگہ نکاح کرلے۔ تاہم نکاح کے بعد اس  بیوہ کے پہلے شوہر کی میراث میں سے دوسرے شوہر کا کوئی حق وحصہ نہیں ہوگا۔

ہاں! اگر بیوہ کا انتقال ہوجائے تو اس کا جو حصہ پہلے شوہر کے ترکے میں سے ہوگا، اسے بیوہ کے دیگر ترکے کے ساتھ ملاکر اس کے ورثاء (بشمول دوسرے شوہر) میں بقدرِ حصص تقسیم کیا جائے گا۔ فقط واللہ اعلم