اگر کوئی شخص چوزہ پالے اور پھر وہ مرجائے تو کیا صدقہ دینا ہوگا؟

جانور پالنا جائز ہے بشرطیکہ ان کے کھانے پینے اور صفائی ستھرائی کا اہتمام کیا جائے۔ حدیثِ مبارک میں ایسے شخص کے بارے میں سخت وعید آئی ہے جو جانور کو قید کرکے اسے کھانا پینا بھی نہیں دیتا اور نہ اسے آزاد کرتا ہے کہ وہ خود اپنا کھانا پینا تلاش کریں۔لہذا اگر چوزے کے کھانے پینے کا خیال رکھا گیا اورپھر بھی وہ مرگیا توشرعاً  کوئی صدقہ نہیں، البتہ اگر پالنے والے کی غفلت سے مرا ہے تو وہ گناہ گار ہے۔ اس صورت میں اللہ کے حضور قصور کا اعتراف اور استغفار ضروری ہوگا، صدقہ ضروری نہیں۔ فقط واللہ اعلم