زانی دیور کی بیٹی سے مزنیہ بھابی کے بیٹے کا نکاح
سوال
زانی دیور کی بیٹی کی شادی مزنیہ بھابھی کے بیٹے سے ہو سکتی ہے یانہیں؟ دوسری صورت یہ ہے مذکورہ شخص نے زنا نہ کی کیا ہو صرف لمس کی حد تک بات ہو تو پھر شرعی حکم کیا ہے؟
جواب
حرمتِ مصاہرت سے عورت کے اصول وفروع ، مرد پر اور مرد کے اصول وفروع ، عورت پر حرام ہوجاتے ہیں، لیکن اس حرمت کا تعلق ان کی اولاد کے درمیان نہیں ہوتا ، لہذا زانی دیور کی بیٹی کا نکاح مزنیہ بھابی کے بیٹے کے ساتھ کرنا جائز ہے۔"البحرالرائق" میں ہے:
"ویحل لأصول الزاني وفروعه أصول المزني بها وفروعها". (البحرالرائق (۱۷۹/۳)فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144004201377
تاریخ23-02-2019
