تقریبات میں کھڑے ہوکر کھانے کا حکم

کسی عذر کے بغیر کھڑے ہوکر کھانا کھانا مکروہ اور  خلافِ سنت ہے، اور جب کوئی خلافِ سنت فعل اجتماعی طور پر کیا جائے تو اس کی قباحت اور شناعت مزید بڑھ جاتی ہے۔ آج کل کی دعوتوں میں جو کھڑے ہوکر کھانا کھلانے کا رواج ہے، وہ درحقیقت اجتماعی طور پر خلافِ سنت عمل کے مترادف ہے، جس کی شناعت اور بھی زیادہ ہے، نیز  کھڑے ہو کر کھانا کھانا مغربی تہذیب اوراغیار کا طریقہ بھی ہے،  اور یہ انسان کی فطرت اور امتیازی شان کے بھی خلاف ہے ، اس لیے اس سے احتراز ہر مسلمان پر لازم ہے۔فقط واللہ اعلم