خراب انڈا کپڑے پر لگ جائے تو کیا حکم ہے؟

اگر خراب انڈے سے مراد یہ ہے کہ  مرغی کے انڈا دیتے وقت اس کے چھلکے پر جو تری  ہوتی ہے وہ کپڑے پر لگ گئی تو شرعاً اس کا حکم یہ ہے کہ  یہ پاک ہے، اگر کپڑوں پر لگ جائے تو کپڑے ناپاک نہیں ہوں گے۔

اور اگر مراد یہ ہے کہ انڈا اندر سے خراب ہوگیا ہے اور اس میں خون پیدا ہوگیا ہے اور وہ کپڑوں پر لگ گیا تو اس کا حکم یہ ہے کہ وہ ناپاک ہے، اگر کپڑوں پر لگ جائے تو اس جگہ کو پاک کرنا ضروری ہوگا۔

الدر المختار وحاشية ابن عابدين (رد المحتار) (1/ 349):
"وكذا البيضة، فلا يتنجس بها الثوب ولا الماء إذا وقعت فيه، لكن يكره التوضؤ به للاختلاف".

الفتاوى الهندية (1/ 62):
"إذا صلى وفي كمه بيضة مذرة قد حال مخها دماً جازت صلاته، وكذا البيضة التي فيها فرخ ميت. كذا في فتاوى قاضي خان.

في النصاب: رجل صلى وفي كمه قارورة فيها بول لاتجوز الصلاة سواء كانت ممتلئة أو لم تكن؛ لأن هذا ليس في مظانه ومعدنه بخلاف البيضة المذرة؛ لأنه في معدنه ومظانه وعليه الفتوى. كذا في المضمرات".  فقط واللہ اعلم