شوہر کی خواہش پر آگے سے بال کٹوانے کا حکم

عورت کے لیے بلا ضرورت بال کٹوانا جائز نہیں ہے، البتہ اگر بال دو موئے ہونے کی وجہ سے بڑھ نہ پارہے ہوں تو ازالہ عیب کے واسطے کناروں سے تھوڑے سے بال کاٹنے کی گنجائش ہے،  اسی طرح حج و عمرہ کا احرام کھولنے یا کسی بیماری کی وجہ سے علاج کی شدید ضرورت کی وجہ سے بھی بال کٹوانا جائز ہے، البتہ فیشن کے طور پر بال کٹوانا جائز نہیں ہے چاہے شوہر کی خواہش کے لیے ہی کیوں نہ ہو، کیوں کہ غیر شرعی امور میں کسی کی اطاعت ( بات ماننا) جائز نہیں ہے۔فقط واللہ اعلم