زیادہ تلاوت پرزیادہ ثواب

جی ہاں!  قرآنِ پاک کی جتنی زیادہ تلاوت کی جائے اتنا زیادہ ثواب ملتا ہے، حدیثِ مبارک  میں آتا ہے کہ اللہ جل شانہٗ قرآن پاک کے ایک حرف پڑھنے پر دس نیکیاں عطا فرماتے ہیں۔ ایک اور حدیث میں ہے کہ اللہ تبارک وتعالیٰ فرماتے ہیں: جس شخص کو قرآنِ پاک (کی تلاوت اور اس میں غور وفکر) میرے ذکر اور مجھ سے دعا مانگنے سے مشغول رکھے تو میں اسے مانگنے والوں (دیگر دعا کرنے والوں) سے افضل (بہتر) عطا کرتاہوں۔ اس کے علاوہ بھی بہت سی احادیث میں تلاوتِ قرآنِ کریم کے فضائل وارد ہوئے ہیں۔ لہٰذا  جس قدر حروف زیادہ ہوں گے اتنی ہی زیادہ نیکیاں ہو جائیں گے۔ فقط واللہ اعلم