زکاۃ کی رقم سے کنواں بنوانا

زکاۃ  کی ادائیگی کے لیے مستحقِ زکاۃ  کو مالک بنانا شرعاً ضروری ہے، زکاۃ  کی رقم سے کنواں کھدوانے  یا کوئی اور کار خیر کے کام کرنے سے زکاۃ ادا نہیں ہوتی، لہذا صورتِ مسئولہ میں زکاۃ کی رقم سے کنواں کھدواکر وقف کرنا جائز نہیں ہے، زکاۃ کے علاوہ دیگر صدقات وخیرات سے کنواں کھدواکر وقف کردیا جائے۔ 

اگر پانی کی شدید ضرورت ہو اور نفلی صدقات کی استطاعت نہ ہو تو جس علاقے میں پانی کی شدید ضرورت ہے اور وہ لوگ فقراء بھی ہیں تو انہیں کو  مالک بناکرزکاۃ دے دی جائے وہ خود مالک بننے کے بعد اپنی ضرورت کے لیے اس رقم سے کنواں کھدوالیں۔ فقط واللہ اعلم