فون پر نکاح کا حکم

اگر دولہا، دولہن اور گواہ میں سے کوئی ایک  بھی نکاح کی مجلس میں موجود نہ ہو، اور نہ ہی دولہا، یا دولہن نے کسی کو اپنے نکاح کا وکیل بنایا ہو، جو وکیل اس مجلسِ نکاح میں موجود ہو، تو اس صورت میں یہ نکاح منعقد نہیں ہوتا۔ صرف موبائل پر قبول کہہ دینا کافی نہیں۔ مسئولہ صورت میں سوال سے واضح ہے کہ لڑکی مجلسِ نکاح میں موجود نہیں تھی، اور اس نے اپنا وکیل بھی نہیں بنایا تھا جو مجلسِ نکاح میں موجود ہوتا، لہٰذا مذکورہ نکاح شرعاً منعقد نہیں ہوا۔

"وشرط حضور شاهدین الخ ، سامعین قولهما معًا علی الأصح". ( الدر المختار ۳ ؍ ۷۵ بیروت )فقط واللہ اعلم