کیا عشر ادا کرنے سے پہلے کرایہ منہا کیا جائے گا؟
سوال
عشری زمین پر فصل پہنچانے پر جو خرچہ آئے گا، جیسا کہ حیدر آباد سے کراچی پہنچانے پر ایک لاکھ کی فصل پر پندرہ ہزار کرایہ لگتا ہے تو عشر 85000 سے نکالنا ہو گا یا ایک لاکھ سے؟
جواب
"عشر" کل پیداوار پر لازم ہوتا ہے، عشر ادا کرنے سے پہلے کرایہ کی رقم الگ نہیں کی جاتی، لہذا سوال میں مذکورہ صورت میں ایک لاکھ کا عشر ادا کرنا لازم ہو گا۔
الفتاوى الهندية (1/ 187):
"ولا تحسب أجرة العمال ونفقة البقر، وكري الأنهار، وأجرة الحافظ وغير ذلك فيجب إخراج الواجب من جميع ما أخرجته الأرض عشراً أو نصفاً، كذا في البحر الرائق".فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144003200483
تاریخ10-12-2018
