لیٹ آنے پر تنخواہ کی کٹوتی
سوال
ہم چند ساتھی ایک دینی ادارے میں دوپہر دو بجے سے رات دس بجے تک کام کرتے ہیں، جب ہم دو بجے سے دس بیس منٹ یا اس سے زیادہ دیر سے آتے ہیں تو ادارے والے ہمارے تنخواہوں سے کٹوتی کرتے ہیں جب ہم دس بجے سےاوپر اضافی ٹائم دیتے ہیں تو ہمیں اس کی اضافی رقم نہیں دی جاتی ، کیا یہ کٹوتی کرنا اور اضافی ٹائم کا رقم نہ دینا جائز ہے ؟
جواب
معاہدے میں جو وقت آپ کے کام کے لیے طے ہوا تھا وہی آپ کا کام کا وقت ہے، اس میں تاخیر کرنے پر ادارے والے کٹوتی میں حق بجانب ہیں، اور جو اضافی وقت آپ کسی معاہدے کے بغیر دیتے ہیں وہ آپ کا احسان ہے۔
آپ ادارے والوں سے معاہدہ دوبارہ کرلیں جس میں ایک دن کے کل گھنٹہ متعین کرلیں کہ اگر آنے میں تاخیر ہوجائے تو اضافی وقت سے وہ پوری کردی جائے،اس صورت میں ادارے والے اضافی وقت دینے کی صورت میں آپ کی تنخواہ نہیں کاٹ سکیں گے۔
’’المسلمون عند شروطهم إلاشرطا حرم حلالاً أوحلل حراماً‘‘. (الترمذي :ج ۱؍ص۱۲۱؍)فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
