چہرے کے بال، کیل مہاسے وغیرہ ہٹانے کے علاج کا حکم

مرد اور عورت دونوں کے لیے  چہرے کے کیل مہاسے اور داغ دھبوں کی دوری کے لیے علاج کروانا جائز ہے، لیکن شرط یہ ہے کہ مرد مردوں کا اور عورت عورتوں کا علاج کرے۔

چہرے کے بال صاف کرانے میں تفصیل ہے:

مرد کے لیے  ڈاڑھی کے بال ہٹانا ناجائز ہے، بھنویں بنانا ناجائز ہے، اس کے علاوہ گال یا ماتھے پر اگر بہت زیادہ بال ہیں تو ا ن زائد بالوں کو ہٹانے کے لیے مرد سے علاج کرواسکتا ہے، بشرطیکہ عورتوں کے ساتھ مشابہت نہ ہو۔

عورتوں کے لیے بطورِ فیشن باریک بھنویں بنانا ناجائز ہے، اس کے علاوہ چہرے کے زائد بال ہٹانا جائز ہے، بشرطیکہ کسی عورت سے علاج کرایا جائے۔ فقط واللہ اعلم