منت کی رقم والدین یا بہن بھائی کو دینا

منت کی رقم اپنےوالدین کو نہیں دی جاسکتی ۔  البتہ بھائی /بہن   کو دی جاسکتی ہے بشرطیکہ وہ مستحقِ زکاۃ ہو  یعنی  اس کی ملکیت میں ساڑھے باون تولہ  چاندی  کی مالیت کے بقدر نقدی،  یا سونا چاندی،  یا ضروریاتِ اصلیہ سے زائد کوئی مال یا سامان نہ ہو  اور  سید /ہاشمی وغیرہ نہ ہو اور سنی العقیدہ  ہو  ، اور اگر اس (بہن ) کا نفقہ شرعاً اس کے ذمے واجب  ہو تو نفقہ میں یہ رقم نہ دے، اور بھائی/ بہن  کے کھانے پینے کے اخراجات مشترک نہ ہوں۔ فقط واللہ اعلم