فجر کی نماز ادا کیے بغیر عید کی نماز ادا کرنا

واضح رہے کہ  فجر کی نماز فرض ہے، جب کہ عیدین کی نماز واجب ہے، البتہ عیدین کی نماز کے وجوب اور صحیح ہونے کا مدار فجر کی نماز پر نہیں ہے ؛ لہذا اگر کسی شخص نے فجر کی نماز ادا کیے بغیر عیدین کی نماز ادا کرلی تو اس کی نمازِ عید  ادا ہوجائے گی، البتہ فجر کی قضا اس کے ذمہ برقرار رہے گی، جس کی ادائیگی یاد آتے ہی کرنا ہوگی، بلاعذر قضا کرنے اور یاد آنے کے بعد بھی قضا میں تاخیر پر گناہ ہوگا۔ فقط واللہ اعلم