قربانی کی کھالوں کی قیمت کا مصرف

قربانی کی کھالوں کے مصارف میں سے ایک بہترین مصرف دینی مدارس بھی ہیں، مدارس میں قربانی کی کھالیں دینا باعثِ اجر وثواب بھی ہے اور صدقہ جاریہ بھی ہے،نیز آدمی دین کی نشرواشاعت میں بھی حصہ دار بنتاہے۔

قربانی کی کھالوں کو فروخت کرکے ان کی رقم مدرسہ کی تعمیرات یا بل کی ادائیگی وغیرہ میں خرچ کرنا درست نہیں ہے،بلکہ اس قیمت کا مصرف وہی افراد ہیں جو زکاۃ کے مستحق ہیں،لہذا مدرسہ کے مستحق طلبہ کی ضروریات کے علاوہ دیگر مصارف میں کھال کی قیمت خرچ کرنا درست نہیں ہے۔[کفایت المفتی 8/218]فقط واللہ اعلم