کال سینٹر ملازمت
سوال
آج کل نوجوانوں کی بڑی تعداد بے روزگاری کے باعث کال سینٹر میں ملازمت اختیار کرنے پر مجبور ہے۔ واضح ہو کہ کال سینٹرز میں غیر ملکی کمپنیز کے لیے کام کرتے ہیں۔ کال کا جواب انگریزی زبان میں دینا ہوتا ہے۔ ہمیں اپنا کوئی فرضی نام بتانا پڑتا ہے۔ مثلاً جانسن ، رچرڈ۔ وغیرہ ۔ غرض یہ کہ پورا انگریز بن کر بات کرنی ہوتی ہے۔
جواب
کسی کو دھوکا دینا حرام ہے ، رسول اللہ ﷺ کا ارشاد ہے:
"من غشنا فلیس منا" . ( صحیح مسلم ،حدیث نمبر۱۴۶ )
ترجمہ:"جو شخص دھوکا دے وہ ہم میں سے نہیں"۔
لہذا کال سینٹر میں اپنے آپ کو انگریز ظاہر کرنا یا اپنا غلط نام بتانا ہرگزجائز نہیں اورایسی ملازمت بھی جائز نہیں جو جھوٹ ،غلط بیانی اور دھوکا دہی کے بغیر ممکن نہ ہو۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143909201965
تاریخ18-08-2018
