اضافت کے بغیر صریح الفاظ میں طلاق دینا

جب طلاق کے الفاظ کی بیوی کی طرف نسبت کے قرائن موجود ہوں تو طلاق واقع ہونے کے لیے صراحۃً بیوی کی جانب نسبت کرنا ضروری نہیں ہے، مثلاً: جھگڑاہورہاہو یاطلاق کا مطالبہ یاعلیحدگی کی بات ہورہی ہو ،اور شوہر اپنی بیوی کو ہی طلاق کے الفاظ کہہ رہاہو تو ا س سے بھی طلاق واقع ہوجائے گی۔لہذا صورتِ مسئولہ میں اگر اس طرح کے قرائن موجود ہوں اور فون پر شوہر نے اپنی بیوی کو تین بار طلاق کے الفاظ اداکیے ہوں تو اس سے بیوی پر تینوں طلاقیں واقع ہوجائیں گی، اور بیوی اپنے شوہر پر حرمتِ مغلظہ کے ساتھ حرام ہوجائے گی، رجوع یاتجدیدِ نکاح کرنے کی اجازت نہیں ہوگی۔فقط واللہ اعلم