عورتوں کا ناخنوں پر کالا خضاب لگانا

ہاتھوں اور پیروں کے  ناخنوں پر تزیین کے لیے کالا خضاب (رنگ) لگانا جائز ہے، اور  آج کل جو خضاب لگایا جارہا ہے چوں کہ اس کا جرم (جسم) نہیں ہوتا ہے جو پانی کے ناخن تک پہنچنے سے مانع (رکاوٹ) ہو ؛ اس لیے یہ خضاب  لگا رہے تب بھی وضو ہو جائے گا اور نماز بھی ہوجائے گی۔ البتہ ناخن پالش کا چوں کہ جسم ہوتاہے، جو ناخن تک پانی پہنچنے سے مانع ہوتاہے، اس لیے ناخن پالش لگے ہونے کی حالت میں وضو نہیں ہوگا۔

واضح رہے کہ کالا خضاب بالوں میں لگانا ممنوع ہے، احادیث مبارکہ میں اسی کی ممانعت ہے، ناخنوں پر لگانے کی ممانعت نہیں ہے۔ فقط واللہ اعلم