بہتان لگانے اور بلاتحقیق سزا دینے کاحکم

کسی پر بہتان لگانا شرعی اعتبار سے گناہ کبیرہ ہے، ایک روایت میں ہے کہ جس شخص نے کسی مسلمان کے بارے  میں کوئی ایسی بات کہی جو اس میں نہیں تھی تو اللہ تعالی اسےجہنمیوں کی پیپ میں رکھے گا جب تک وہ اس گناہ سے نکل نہ جائے۔(مسند احمد)

نیز  بغیر تحقیق کے سزا دینا ناانصافی اور ظلم کے دائرے میں آتا ہے، اور حدیث پاک میں ہے کہ ظلم قیامت کے دن اندھیریوں کی صورت میں آکر انسان کی مشکلات میں اضافے کا باعث بنے گا، مظلوم کو ظالم سے بدلہ دلوایا جائے گا۔  فقط واللہ اعلم