کسی کو طلاق دلوانے کا حق نہیں

واضح رہے کہ اللہ رب العزت کے نزدیک جائز کاموں میں سب سے ناپسندیدہ کام طلاق دینا ہے؛ لہذا اگر میاں بیوی راضی  ہیں اور ایک دوسرے کے ساتھ زندگی گزارنا چاہتے ہیں تو ماں باپ کو ان کے درمیان بغیر کسی شرعی وجہ کے طلاق کرانے کی شرعاً اجازت نہیں ہے اور اس معاملہ میں ماں باپ کا کہا ماننا شوہر پر لازم نہیں ہے، البتہ اگر والدین اور  مذکورہ شخص کی بیوی کے درمیان کسی ناچاقی کے سبب اختلاف ہو جس کی وجہ سے طلاق دلوانا چاہتے ہوں تو شوہر کو چاہیے کہ اختلاف کی وجہ کو ختم کرنے کی کوشش کرے  اور حتی الامکان گھر بسانے کی کوشش کرتا رہے۔ فقط واللہ اعلم