میراث۔شوہر،ماں، بیٹا، بیٹی

صورتِ مسئولہ میں مرحومہ عورت کے ورثاء اس کا شوہر، ایک بیٹا، ایک بیٹی اور   ماں ہے۔ مرحومہ عورت کے ترکہ کی تقسیم کا شرعی طریقہ کار یہ ہے کہ سب سے پہلے مرحومہ کی کل جائیداد منقولہ و غیر منقولہ میں سے مرحومہ کے حقوق متقدمہ یعنی تجہیز و تکفین کے اخراجات نکالنے اور اگر مرحومہ کے ذمہ کوئی قرضہ ہو تو قرضہ کی ادائیگی کے بعد، اور اگر مرحومہ نے کوئی جائز وصیت کی ہو تو ایک تہائی مال میں سے وصیت کو نافذ کرنے کے بعد باقی کل جائیداد منقولہ و غیر منقولہ کو ۳۶ حصوں میں تقسیم کر کے اس میں سے ۹ حصے مرحومہ کے شوہر کو، ۶ حصے مرحومہ کی ماں کو، ۱۴ حصے مرحومہ کے بیٹے کو اور ۷ حصے مرحومہ کی بیٹی کو ملیں گے۔

یعنی 100% فیصد میں سے25% فیصد  مرحومہ کے شوہر کو،16.667%   فیصدمرحومہ کی والدہ کو،38.88% فیصد مرحومہ کے بیٹے کو اور 19.44% فیصد مرحومہ کی بیٹی کو ملیں گے۔فقط واللہ اعلم