چھ تولہ سونا اور دس ہزار پر زکاۃ
سوال
میری زوجہ کے پاس چھ تولہ سونا ہے، جب کہ اس کے بھائٰی نے ابھی اسے دس ہزار روپے موبائل کے لیے دیے ہیں۔تو کیا میری زوجہ پر زکاۃ واجب ہے؟ دس ہزار کے علاوہ کوئی رقم وغیرہ نہیں۔
جواب
اگر آپ کی ہمشیرہ کے پاس کسی وقت چھ تولہ سونے کے ساتھ چاندی یا ضرورت سے زائد نقد رقم موجود تھی، تو اس وقت سے ان کا زکاۃ کا سال شروع ہوچکاتھا، اس کے بعد جس دن چھ تولہ سونے پر سال مکمل ہورہا ہو اس دن اگر آپ کی زوجہ کے پاس دس ہزار روپے یا معتد بہ رقم ہوگی تو اس کی زکاۃ واجب ہوگی ورنہ نہیں۔فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143909200995
تاریخ23-06-2018
