ڈیوٹی پر نہ آنے والے ملازم کی شکایت افسران بالا تک پہنچانا

پہلے کوشش کرنی چاہیے کہ مذکورہ ملازم کو پیار ومحبت اور حکمت سے ترغیب دے کر سمجھایا جائے کہ وہ ایسا نہ کرے، کیوں کہ ڈیوٹی پر حاضر ہوئے بغیر تنخواہ وصول کرنا ناجائز اور حرام ہے، لیکن اگر پھر بھی اس کے نہ ماننے اور اپنی اس روش سے باز نہ آنے کی بنا پر  ادارے کی خیر خواہی اور ادارہ و ادارے کے دیگر ملازمین کو نقصان اور ضرر سے بچانے کی نیت سے  ڈیوٹی پر نہ آنے والے مذکورہ ملازم  کی اطلاع افسران بالا تک پہنچائی جائے تو یہ چغلی کے زمرے میں نہیں آئے گا۔ فقط واللہ اعلم