نرینہ اولاد نہ ہونے کی صورت میں بہن بھائی بھی وارث ہوں گے

مرحوم کے ورثاء میں نرینہ اولاد نہ ہونے کی صورت میں مرحوم کے بہن بھائی بھی وارث ہوں گے،لہذا اگر مذکورہ دکان فقط شاہد مرحوم کی ملکیت تھی اور وہ اپنی زندگی میں فروخت کرکے آدھی رقم وصول کرچکاتھااور آدھی رقم خریداروں پر باقی ہے،تو یہ کل رقم مرحوم کے ترکہ میں شامل ہوگی،مرحوم کے ورثاء میں ان کی بیوہ ،دونوں بیٹیاں اور بہن بھائی شامل ہیں اوریہ ترکہ  تمام ورثاء میں ان کے شرعی حصوں کے مطابق تقسیم ہوگی۔نیز اگر مرحوم کے والدین حیات ہیں تو وہ بھی مرحوم کے ترکہ میں وارث ہونگے ۔لہذاوالدین کی صراحت اوربہن ،بھائیوں کی تعداد لکھ کر وراثت کی تقسیم کی صورت دوبارہ دریافت کرلیں۔فقط واللہ اعلم