چوری شدہ مال کی خریداری اور اس کو بیچ کر عمرہ کرنے کا حکم

جو شخص چوری کا مال  بیچتا ہے وہ خود اس کا مالک نہیں ہوتا، بلکہ ایسے مال پر اصل مالک کی ملکیت  قائم ہوتی ہے ؛ اس لیے چور سے مسروقہ چیز  خریدنے والا بھی اس چیز کا مالک نہیں بنتا،  پھر اس مال کو بیچ کر جو رقم حاصل ہو گی وہ بھی حرام ہو گی؛ لہذا چوری شدہ مال کی خریدوفروخت کرنا اور اس مال کو بیچ کر اس سے عمرہ پر جانا جائز نہیں ہو گا، اب اس مال کا حکم یہ ہے کہ اگر اس مال کا اصل مالک معلوم ہو تو یہ مال اسے حوالہ کرنا ضروری ہے، اور اگر اصل مالک معلوم نہیں تو اس کو ثواب کی نیت کے بغیر صدقہ کرنا ضروری ہو گا۔ فقط واللہ اعلم