جدہ کا رہائشی احرام کہاں سے باندھے؟

جو شخص جدہ کا رہائشی ہو اور وہ حج و عمرہ کے علاوہ کسی دوسرے کام سے مکہ مکرمہ میں داخل ہونا چاہتا ہو تو اس کے لیے احرام کے بغیر مکہ میں داخل ہونا جائز ہے، اور اگر حج یا عمرہ کا ارادہ ہو تو ایسی صورت میں اس کے لیے احرام باندھ کر ہی مکہ میں داخل ہونا ضروری ہے، اگر وہ احرام کے بغیر مکہ میں داخل ہو گیا اور احرام باندھنے دوبارہ میقات پر بھی نہیں گیا تو اس پر دم لازم ہو گا۔فقط واللہ اعلم