دوتولہ سونا اور معمولی نقدی پر زکاۃ کا حکم

 اگرکسی شخص کے پاس ایک یادوتولہ سونا اور کچھ نقد رقم ہو جو اس کی ضرورت (مثلاً: ماہانہ اخراجات) سے زائد ہو  چاہے وہ معمولی رقم ہی کیوں نہ ہو اور ان دونوں کی مالیت کا مجموعہ چاندی کے نصاب (ساڑھے باون تولہ چاندی) کی قیمت کے برابر ہو اور جس وقت زکاۃ کا سال پورا ہو اس وقت بھی ایک دو تولہ سونے کے ساتھ  اضافی رقم موجود ہو تو  زکاۃ واجب ہو گی، البتہ اگر ساڑھے سات تولہ سے کم صرف سونا ہو اور زکاۃ کے قابل اموال(مالِ تجارت،نقد رقم ،چاندی) میں سے  کچھ بھی نہ ہو تو زکاۃ واجب نہیں ہوگی۔فقط واللہ اعلم