حیض کے بعد پندرہ دن سے پہلے دوبارہ خون آگیا تو وہ حیض نہیں ہے

شرعاً دو حیضوں کے درمیان پندرہ دن کا فاصلہ ضروری ہے؛ لہذا ایک حیض کے دس دن بعد جو خون آیا یہ حیض نہیں ہے، استحاضہ شمار ہوگا، اس میں نماز ،روزہ ،تلاوت ،قربت غرضیکہ پاکی والے تمام اعمال کیے جائیں گے، البتہ اگر خون اتنے وقفے سے نکلتاہو کہ کپڑے پاک کرکے باوضو  وقتی فرض نماز ادا کرنا ممکن ہو تو کپڑے پاک کرکے وضو کرکے نماز ادا کرنا ضروری ہوگا، اور اگر خون مسلسل جاری ہو تو ہرنماز کے وقت میں نیا وضو کرناہوگا، پھر اس وضو سے وقت کے اندر جتنی نمازیں چاہے ادا کرے۔ فقط واللہ اعلم