بریلوی امام کے پیچھے نماز

بریلوی امام کی اقتدا میں نماز کے جواز و عدمِ جواز کا تعلق اس کے عقیدے اور نظریے سے ہے،اگر اس کا عقیدہ حد کفر و شرک کو نہ پہنچا ہو تو اس کی اقتدا میں نماز جائز ہوگی،اور اگر اس کا عقیدہ حد کفر و شرک تک پہنچ چکا ہو تو اس کی اقتدا میں نماز جائز نہ ہوگی۔ ہمارے اکابر بریلوی حضرات کے بعض عقائد کی بنا پر ان کی گمراہی کا فتویٰ دیتے ہیں، عام حالات میں ان کے کفر کا فتویٰ نہیں دیاجاتا، کیوں کہ کفرکا معاملہ انتہائی نازک ہے؛ اس لیے جب تک کسی بدعتی کے متعلق یقین سے معلوم نہ ہوجائے کہ اس کے عقائد کفریہ ہیں بوقتِ مجبوری اس کی اقتدا میں نماز ادا کی جاسکتی ہے، لیکن بلاضرورت اس کا معمول بنالینا مکروہ ہے، اس لیے اگر آپ کے علاقے میں اہلِ حق کی مسجد موجود ہے (خواہ کچھ فاصلے پر ہو) تو اس میں باجماعت نماز ادا کرنے کا اہتمام کریں، اور اگر آپ کے علاقے میں اہلِ حق کی کوئی مسجد نہیں ہے تو اہلِ علاقہ کو قانونی تقاضے پورے کرتے ہوئے اپنی مسجد بنانی چاہیے ؛ تاکہ بلاکراہت باجماعت نماز ادا کی جاسکے۔ فقط واللہ اعلم