حاملہ کا روزے کے بدلے فدیہ دینا

اگر آپ کی بیوی کو روزہ رکھنے کی صورت میں اپنی یا اپنے بچے کی مضرت کا غالب گمان ہو تو اسے روزہ نہ رکھنے کی اجازت ہوگی۔ لیکن بعد میں جب بھی روزہ رکھنے کے قابل ہوجائے اس وقت ان روزوں کی قضارکھنا لازم ہوگی، فی الحال فدیہ دینا درست نہیں ہے۔ جتنی رقم آپ نے فدیے میں ادا کی ہے، وہ صدقہ شمار ہوگی۔ فدیہ تو اس وقت دیا جاتا ہے جب کوئی ایسی بیماری کی وجہ سے روزے چھوڑ رہا ہو جس بیماری سے صحت یابی  کی کوئی امید نہ ہو  یا اتنا ضعیف العمر ہو کہ اب روزہ رکھ ہی نہ سکتاہو یا جب آدمی مرجائے اور اس کے ذمہ پر قضا روزے باقی ہوں۔فقط واللہ اعلم