امام نماز میں سمع اللہ لمن حمدہ کہنا بھول جائے تو کیا حکم ہے؟

اگر امام غلطی سے رکوع سے سراٹھا تے وقت  ”سمع الله لمن حمده“ کہنے کے  بجائے’’الله أکبر‘‘ کہہ دے، یا ”سمع الله لمن حمده“ کہنا بالکل بھول جائے تو نماز ادا ہوجائے گی، اور  سجدۂ سہو بھی  لازم نہیں ہوگا ،کیوں کہ تکبیراتِ انتقال نماز کی سنتوں میں سے ہیں، اور سجدۂ سہو کسی واجب کو چھوڑنے، یا رکن یا واجب کی ادائیگی میں تاخیر کی صورت میں واجب ہوتاہے۔فقط واللہ اعلم