ضرورت مند بھائی کو زکاۃ دینا

 اگر آپ کا بھائی ضرورت مند ہے ،اور اس کی ملکیت میں اس کی ضرورتِ  اصلیہ سے زائد  نصاب (یعنی ساڑھے باون تولہ چاندی) کے برابر  رقم نہیں ہے  اور نہ ہی  اس  قدر ضرورت سے زائد  سامان ہے کہ جس کی مالیت نصاب کے برابر بنتی ہے اور نہ  ہی  وہ سید یا ہاشمی ہے  تو اسے زکاۃ دی جاسکتی ہے، باقی  جو اس نے اپنے گھر بنانے کے لیے ایک چھوٹی سے زمین خریدی ہے  تو وہ اس کی ضرورت اصلیہ میں داخل ہےاور وہ زکاۃ  کے مستحق  بننے سے مانع نہیں ہے۔ فقط واللہ اعلم