قرض پر زکاۃ

جو قرض لوگوں سے لیناہو اس کی زکوۃ دینا واجب ہے، اور جو قرض لوگوں کو دینا ہے اس میں تفصیل یہ ہے کہ اگر اس کا مطالبہ کرنے والا کسی بھی وقت مطالبہ کرسکتا ہے تو قرض کی رقم کو زکاۃ سے منہا کیا جائےگا، لیکن اگر قرض کی ادائیگی قسطوں کی صورت میں کرنی ہے تو ایک سال کے اندر جتنی قسطیں بھرنی ہے صرف اسے منہا کیا جائے گا۔قرض کی رقم منہا کرنے کے بعد اگر ضرورت سے زائد نصاب کے بقدر مال موجود ہے تو سالانہ اس پر زکاۃ واجب ہوگی۔ فقط واللہ اعلم