روزے میں غسل کرتے ہوئے پانی ناک میں چلا جائے تو کیا حکم ہے؟

ناک میں اگر پانی چلا جائے اور وہ حلق میں پہنچ جائے تو اس روزہ ٹوٹ جائے گا، اور اگر حلق میں نہیں پہنچے تو اس سے روزہ فاسد نہیں ہوگا۔

 روزے کی حالت میں سوئمنگ پول یا نہر میں غوطہ لگانے سے روزہ نہیں ٹوٹتا، بشرطیکہ پانی   منہ یا ناک کے راستے سے  حلق سے نیچے نہ اترے ، ورنہ  روزہ ٹوٹ جائے گا اور قضا لازم ہوگی۔جو شخص تیراکی اچھی طرح نہ جانتا ہو اس کے لیے روزے کی حالت میں پانی میں غوطہ لگانا مناسب نہیں ؛ کیوں کہ پانی حلق کے راستے اندر جانے کا اندیشہ ہوگا۔ فقط واللہ اعلم