بلاعذر ترایح چھوڑنا

نمازِ تراویح (بیس رکعات ) سنتِ مؤ کدہ ہے،تمام ائمہ کااس پراتفاق ہے،حدیث شریف میں تراویح میں قیام کرنے اورقرآن سننے کی بڑی فضیلت آئی ہے،چناں چہ حضرت ابوہریرہ رضی اللہ عنہ فرماتے ہیں: رسول اللہ صلی اللہ علیہ وسلم نے ارشادفرمایا:''جورمضان میں اللہ پریقین رکھتے ہوئے ثواب کی نیت سے قیام کرے گااللہ اس کے تمام گناہوں کومعاف فرمادیں گے۔'' (مشکاۃ) لہذا جس طرح روزوں کااہتمام ہوتاہے، اسی طرح تراویح کی باجماعت ادائیگی کااہتمام کرناچاہیے۔ شرعی عذر کے بغیر تراویح کا ترک کرنا نافرمانی اور گناہ ہے ۔فقط واللہ اعلم