سات تولہ سے کم زیور اور چاندی کی انگوٹھی میں زکاۃ

آپ کی بیوی کے پاس موجود سات تولہ سے کم سونے کا زیور اور چاندی کی انگوٹھی کی مجموعی مالیت ساڑھے باون تولہ چاندی کی مالیت سے زائد ہے ؛ اس لیے سال مکمل ہونے پر ان زیورات پر زکاۃ واجب ہوگی،کسی سنار سے ان دونوں کی مجموعی مالیت کا پتا کرکے اس کا  ڈھائی فیصد بطور زکاۃ ادا کردیں۔

آپ کی ملکیت میں موجود چاندی کی  انگوٹھی کو  بیوی کے زیورات میں شامل نہیں کیا جائے گا۔اگر آپ کے پاس اس کے علاوہ نقد رقم، مالِ تجارت یا مزید زیور ہے اور سب کی مجموعی مالیت ساڑھے باون تولہ چاندی کی قیمت یا اس سے زیادہ ہے توسال مکمل ہونے پر اس مال کی زکاۃ آپ پر لازم ہوگی، اور اگر آپ کے پاس اتنا مال موجود نہیں ہے تو آپ پر زکاۃ نہیں ہوگی۔فقط واللہ اعلم