چھ تولہ سونے پر زکاۃ کا حکم

سونے کا نصاب ساڑھے سات تولہ ہے، یعنی اگر کسی کے پاس صرف سونا ہے، اس کے علاوہ مال نہیں ہے تو اس پر زکاۃ اس وقت لازم ہو گی جب سونا ساڑھے سات تولہ یا اس سے زیادہ ہو ، صرف چھ تولہ سونا ہونے کی صورت میں اس پر زکاۃ لازم نہیں ہوگی۔  اور اگر کسی کے پاس سونا ساڑھے سات تولہ سے کم ہے، لیکن اس کے پاس سونے کے علاوہ کچھ چاندی یا کیش یا مالِ تجارت ہو اور ان مختلف چیزوں کی کل مالیت ساڑھے باون تولہ چاندی کی قیمت تک پہنچ جاتی ہو  تو  سال پورا ہونے پر اس کے اوپر زکاۃ لازم ہو گی۔  فقط واللہ اعلم