عشرہ مبشرہ صحابہ کے ناموں سے بیٹے کا نام رکھنا

عشرہ مبشرہ وہ دس صحابہ ہیں  جنہیں ان کی زندگی ہی میں ایک مجلس میں آپ  ﷺ نے جنتی ہونے کی بشارت دی۔ جن کے نام  یہ ہیں : (۱) حضرت ابو بکر ، آپ کا نام عبداللہ تھا، ابوبکر کنیت ہے، اسی سے آپ زیادہ مشہور ہوئے۔ (۲) حضرت عمر  (۳) حضرت عثمان  (۴) حضرت علی  (۵) حضرت طلحہ  (۶) حضرت زبیر   (۷) حضرت عبد الرحمن بن عوف  (۸) حضرت سعد بن ابی وقاص  (۹) حضرت سعید بن زید  (۱۰) حضرت ابو عبیدہ بن جراح، نام عامر تھا، یہ بھی کنیت سے زیادہ مشہور ہوئے۔ اور اس بشارت کے بعد ان کا لقب عشرۂ مبشرہ ہو گیا۔ (ترمذی ، مشکاۃ شریف: ص: ۵۶۶) ، ان میں  سے آپ  کوئی بھی نام  اپنے بیٹے کا رکھ سکتے ہیں۔  فقط و اللہ تعالی اعلم