ناپاک کپڑے کے پاک حصہ کا پانی میں گرنے کا حکم
سوال
کیا فرماتے علمائے دین و شرع متین بیچ اس مسئلہ کے :
پانی کے بڑے گیلن (گیزر) بھرتے ہوئے خاتونِ خانہ کے ناپاک کپڑوں کی آستین کا ایک حصہ گیزر کے پانی کے ساتھ مل گیا۔ یاد رہے آستین کا عین وہ حصہ ناپاک نہیں تھا جو پانی میں گر گیا ہے۔ کیا اس گیزر کے پانی کے ساتھ وضو کرنا جائز ہے؟
جواب
اگر ناپاک کپڑے کی آستین کا وہ حصہ پانی میں گرا ہے جو حصہ پاک تھا تو اس سے پانی ناپاک نہیں ہوا، لہٰذا اس پانی سے وضو کرنا جائز ہے۔فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143908200914
تاریخ13-05-2018
