پینشن کس کی ملکیت ہے؟
سوال
میرے نانا کا انتقال 2008 میں ہو گیا تھا، اب میری والدہ نانی کی خدمت کر رہی ہیں اور نانی کی عمر 95 سال ہے اور وہ بستر پر ہیں، میری نانی کو پینشن ملتی ہے تو کیا میری والدہ اپنے ذاتی کاموں میں وہ استعمال کر سکتی ہیں؟ جب کہ وہ بیوہ بھی ہیں، اور میرے اکلوتے ماموں کا انتقال 2016 میں ہو چکا ہے؟
جواب
واضح رہے کہ پینشن گورنمنٹ کی طرف سے تبرع و احسان ہے اور گورنمنٹ کی طرف سے جس کو جاری کی جاتی ہے وہی اس کا مالک ہوتا ہے، پس صورتِ مسئولہ میں اگر مذکورہ پینشن آپ کی نانی کے نام پر جاری ہوئی تھی تو مذکورہ پینشن کی اصل مالکہ نانی صاحبہ ہوں گی اور ان کی اجازت کے بغیر آپ کی والدہ اپنے ذاتی کاموں میں استعمال نہیں کرسکتیں۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143908200665
تاریخ08-05-2018
