امام کا تیسری رکعت سے قعدۂ اولیٰ کی جانب واپس لوٹنا

اگر امام قعدۂ اولیٰ میں بیٹھنا بھول جائے اور تیسری رکعت کے لیے کھڑاہوجائے توشرعی حکم یہی ہے کہ وہ واپس قعدۂ کی طرف نہ لوٹے بلکہ نماز کے آخر میں سجدۂ سہو کرلے نماز درست ہوجائے گی۔البتہ اگر امام تیسری رکعت کے قیام سے  قعدۂ اولیٰ کی طرف واپس آجائے اورآخر میں سجدۂ سہو کرلے تو مفتٰی بہ قول کے مطابق نماز ہوجائے گی،اگرچہ ایساکرنامکروہ ہے۔" فتاویٰ شامی" میں ہے:

'' فتح ( وإلا ) أي وإن استقام قائماً ( لا ) يعود ؛ لاشتغاله بفرض القيام ( وسجد للسهو ) ؛ لترك الواجب ( فلو عاد إلى القعود ) بعد ذلك ( تفسد صلاته) ؛ لرفض الفرض لما ليس بفرض، وصححه الزيلعي، ( وقيل : لا ) تفسد ، لكنه يكون مسيئاً ، ويسجد لتأخير الواجب، ( وهو الأشبه ) كما حققه الكمال، وهو الحق، بحر''۔فقط واللہ اعلم