جس پلاٹ کا قبضہ نہ ملا ہو اس کی زکاۃ کا حکم

اگر آپ نے یہ پلاٹ آگے فروخت کرنے کی نیت سے خریدا تھا تو اس پر زکاۃ لازم ہو گی، اگرچہ اب تک اس کا قبضہ نہ ملا ہو ؛ کیوں کہ قبضہ کے بغیر بھی محض خریدنے سے ملکیت آ جاتی ہے، البتہ آپ کے اوپر اس پلاٹ کی زکاۃ ادا کرنا اس وقت لازم ہو گا جب اس پلاٹ کا قبضہ آپ کو مل جائے، اس سے پہلے ادائیگی واجب نہیں، اور جتنے سال آپ کی ملکیت میں رہا ان تمام سالوں کی زکاۃ ادا کرنا لازم ہو گی ۔ اور اگر ہر سال کی زکاۃ ساتھ ساتھ ادا کرتے رہیں تو یہ بھی جائز ہے۔ فقط واللہ اعلم