کیا تبلیغ میں جانے والا اللہ کے راستے میں ہے؟

امام کاسانی نے  جہاں فی سبیل اللہ کی تشریح کی ہے وہاں یہ الفاظ استعمال فرمائے ہیں:

بدائع الصنائع في ترتيب الشرائع (2/ 45)
"وأما قوله تعالى: {وفي سبيل الله} [التوبة: 60] عبارة عن جميع القرب فيدخل فيه كل من سعى في طاعة الله وسبيل الخيرات إذا كان محتاجاً"۔

ان الفاظ سے معلوم ہوتا ہے کہ ہر وہ شخص جو دین کی خاطر اور اللہ تعالیٰ کی رضا جوئی کے لیے محنت اور کوشش میں لگا ہوا ہے وہ "فی سبیل اللہ" کے مصداق میں شامل ہے، اور تبلیغی اجتماع میں جانے والے بھی چوں کہ دین ہی کی خاطر محنت و کوشش میں لگے ہوتے ہیں اس لیے  اُن کو بھی اللہ کے راستے میں جانے والا کہیں گے۔ فقط واللہ اعلم