خواتین کے لیے نماز تراویح کا حکم

خواتین کے لیے بھی  تراویح پڑھنا سنتِ مؤکدہ ہے اور لازم ہے،البتہ جماعت سے نہ پڑھیں، بلکہ گھر میں ہی انفرادی طور پر پڑھیں،حضور اکرم صلی اللہ علیہ وسلم نے عورت کی نماز کو گھر اور گھر میں بھی اندرونی حصہ میں ادا کرنے کو  افضل قرار دیا ہے، آپ صلی اللہ علیہ وسلم کی چاہت اور احادیثِ مبارکہ کی روشنی میں صحابہ کرام رضوان اللہ علیہم اجمعین کا اس پر اتفاق ہوا کہ عورتیں گھروں میں نمازیں ادا کریں ؛ اس لیے عورتوں کے لیے ضروری ہے کہ فرض نمازوں کی طرح تراویح بھی گھر ہی میں ادا کریں۔ فقط واللہ اعلم