مسلمان کا اپنے ایمان کو چھپانا

کس بنا پر مسلمان اپنے ایمان کو چھپاتاہے ؟اس کی وجہ آپ نے نہیں لکھی۔ اگر کوئی شخص سخت اضطراری حالت میں  (مثلاً جان جانے کا خطرہ ہو )اپنے مسلم ہونے کو چھپاتاہے اور دل میں ایمان بدستور باقی ہے تو ایسا شخص مسلمان ہی کہلائے گا۔ لیکن اگر صرف دنیاوی مفاد کے حصول کے لیے اپنے مسلم ہونے کو خفیہ رکھتا ہےتویہ سخت گناہ ہے، اس سے توبہ کرنی چاہیے، اور اگر دنیاوی مفاد کے حصول کے لیے اپنے مسلمان ہونے کو چھپانے کے ساتھ  خود کوغیر مسلم ظاہر کرتاہے تو یہ کفر ہے، ایسے شخص پر تجدیدِ ایمان اور تجدیدِ نکاح لازم ہے۔(کفایت المفتی)فقط واللہ اعلم