ہندو عامل کو گاہک فراہم کرنے والے شخص کا حکم

کسی مسلمان کے لیے ہندو کو تعویذ ، منتر وغیرہ کے لیے گاہک فراہم کرنا اور اس پر اجرت لینا جائز نہیں، کیوں کہ ہندو عملیات میں شرکیہ کلمات کا استعمال کرتے اور غیر اللہ سے مدد مانگتے ہیں،جو شخص ہندو عامل کو گاہک فراہم کرکے اس پر اجرت لے اسے حکمت و بصیرت کے ساتھ شرعی مسئلہ سمجھایا جائے، اگرسمجھانے کے باوجود شرعی حکم پر عمل نہ کرے تو اس کے ساتھ معاشرتی بائیکاٹ کرنے کی گنجائش ہے، جب تک وہ اس گناہ کو نہ چھوڑ ے اس کے ساتھ رہن سہن اور خوشی یا غم میں شریک نہ ہو، تاہم اس کے ساتھ مسجد میں کھڑے ہوکر نماز پڑھنےکی اجازت ہے۔فقط واللہ اعلم