ہذیلہ نام کا مطلب
سوال
مجھے "ھزیلہ" کا مطلب پوچھنا ہے اور یہ بھی پوچھنا ہے کہ: یہ صحابیات کے ناموں میں سے ہے یا نہیں؟ نیز Huzaila کے حروف بھی بتادیں کہ یہ "ذ "سے ہے یا" ز" سے اور حروف کی تبدیلی سے معنی میں فرق تو نہیں آتا؟
جواب
"ھذیلہ" ذال سے ہے، "ھذیلہ " ھاذلہ کی تصغیر ہے اور "ھاذل "کے معنی رات کا درمیانی پہر (معجم الوسیط)۔ اور اگر "زا" سے ہو ھزیلہ hazeela تو اس کا مطلب ہوگا کمزور و لاغر لڑکی ( معجم الوسیط)، یہ نام رکھنا معنی کے لحاظ سے بہتر نہیں۔ صحابیات کے ناموں میں یہ نام نہیں ملا ہے، البتہ "بنی ھذیل" ایک قدیم عرب قبیلہ ہے جس میں کئی جلیل القدر صحابہ کرام پیدا ہوئے تھے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143903200036
تاریخ28-11-2017
