آیۃ الکرسی کی فضیلت
سوال
میں نےآیت الکرسی کے بارے میں ایک حدیث سنی ہے، جس کا مفہوم ہے کہ: جو شخص بھی فرض نماز کے بعد آیت الکرسی پڑھے گا اس بندے اور جنت کے درمیان صرف اس کی موت حائل ہوتی ہے،کیا یہ حدیث صحیح ہے؟
جواب
آیت الکرسی کی مذکورہ فضیلت درست ہے اور حدیث شریف سے ثابت ہے ،امام نسائی رحمہ اللہ نے یہ حدیث حضرت ابوامامہ رضی اللہ عنہ کے حوالے سے نقل فرمائی ہے جس کے الفاظ یہ ہیں:
'' قال رسول الله صلى الله عليه و سلم : من قرأ آية الكرسي في دبر كل صلاة مكتوبة لم يمنعه من دخول الجنة الا ان يموت''۔[سنن النسائی الکبری،عمل الیوم واللیلة،ثواب من قرا آیة الکرسی دبر کل صلاة،6/30،ط:دارالکتب العلمیۃ بیروت-]
ترجمہ:جوشخص ہر فرض نماز کے بعد آیت الکرسی پڑھاکرے تواس کوجنت میں داخل ہونے کے لیے بجز موت کے کوئی مانع نہیں ہے۔فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
